Saýtyň ulanyjylary tarapyndan özleri barada berilýän islendik maglumatlar TOYOTA CENTRAL ASIA FZE tarapyndan diňe Size berilýän hyzmatlary we Saýtyň ulanyjylaryna hyzmat ediş hilini kämilleşdirmek, Saýta girişiň statistikasyny ýöretmek maksatlary üçin ulanylar.
TOYOTA CENTRAL ASIA FZE Siziň Saýtdaky formalary doldurýarkaňyz, kompaniýanyň wekilleri bilen telefon, elektron poçta, sosial ulgamlar we ş.m. arkaly gürleşýärkäňiz, şeýle hem Saýt arkaly soraglary (meselem, Toyotanyň hyzmatlary we önümleri barada maglumat almak üçin) we mesele barada hasabatlary iberýärkäňiz, hem-de Saýty ulanmagyň beýleki ýagdaýlarynda berip biljek maglumatlaryňyzy ýygnap biler.
TOYOTA CENTRAL ASIA FZE Saýtyň ulanyjylary baradaky maglumatlaryň ýygnalmagynyň, geçirilmeginiň we saklanmagynyň howpsuzlygyny şol maglumatlaryň häsiýetine laýyklykda üpjün etmek üçin, şeýle hem Siziň beren şahsy häsiýetli maglumatlaryňyzyň Siziň razylygyňyz bolmazdan Siziň talap etmedik habarlaryňyzy ibermek ýa-da üçünji taraplara geçirmek üçin ulanylmazlygy ugrunda ähli tagallalary edýär.
Şonuň bilen birlikde TOYOTA CENTRAL ASIA FZE öz garaýşyna görä myhmanlaryň goýan maglumatlaryny wagtal-wagtal barlamak, olary redaktirlemek we sebäbini düşündirmezden Saýtdan aýyrmak hukugyny özünde saklaýar. TOYOTA CENTRAL ASIA FZE käbir üçünji tarap guramalary, şol sanda işewür hyzmatdaşlar, tehniki ýa-da beýleki hyzmatlary edýän potratçylar bilen ýakyndan hyzmatdaşlyk edýär we olardan Siz barada maglumat alyp biler. TOYOTA CENTRAL ASIA FZE Saýtyň ulanyjylarynyň şahsy maglumatlary alnan ýagdaýynda, olary şahsy maglumatlar we olaryň goragy baradaky kanunçylygyň talaplaryny nazara alyp ulanmagy, saklamagy we işlemegi borçlanýar.
TOYOTA CENTRAL ASIA FZE awtomatik ýygnalan maglumatlary Internet ulgamynyň aýratyn ulanyjylaryny kesgitlemek üçin ulanmaýar, TOYOTA CENTRAL ASIA FZE olary bikanun, zyýanly, agressiw hereketlerde güman eden halatlary muňa degişli däldir.
Şu Saýt Siziň Saýtdaky amallaryňyzy, meselem kompýuteriň IP-salgysy boýunça Siziň giren sahypalaryňyzy hasaba alýan serwer žurnallaryny ulanýar. TOYOTA CENTRAL ASIA FZE tarapyndan maglumat ýygnamak üçin ulanylýan awtomatik amallara cookie-ler, žurnal faýllary we Wi-Fi giriş nokatlarynyň yzarlanylmagy degişlidir. TOYOTA CENTRAL ASIA FZE şeýle žurnal faýllaryna esaslanyp alnan maglumatlary Saýtyň ýüklenmesini seljermek we onuň işindäki mümkin bolan meseleleri öwrenmek üçin ulanyp biler.